Бүтээмжийг тань өсгөх өвөрмөц 3 арга

Бүтээмжийг тань өсгөх өвөрмөц 3 арга


Тогтсон нэгэн хэвийн арга барил тань таны бүтээмжийг нэг л нэмэгдүүлж өгөхгүй байна уу? Бүтээмжээ хэрхэн нэмэгдүүлэх тухай уншихад ихэнхи нь өглөө эрт босож ажлаа хий аль эсвэл цагийн хуваарьтай ажил гэх мэт ижил зүйлсийг л бичсэн байх нь олон байдаг. Тэгвэл энэ удаад дүрэм журамаас багахан хэмжээнд гажсан  нэгэн хэвийн бус өвөрмөц байдлаар бүтээмжээ нэмэгдүүлэх сонирхолтой 3 аргыг та бүхэнд танилцуулая.

1. Харанхуйгаас айх хэрэггүй

Энэ нь таныг шөнө болгон сэрүүлэг тавьж босоод ажлаа хийж гүйцэтгэ гэсэн үг биш юм. Заримдаа шөнө унтах гэхээр болж өгөхгүй, толгойд тань түмэн бодол эргэлдээд, тархи тань төгс ажиллаж буй мэт санагддаг үед байдаг л биздээ. Энэ үед та өдөр нь хийх гээд болж өгөхгүй байсан ажлаа хийгээд үзээрэй. Учир нь өдрийн цагт тань руу чиглэх олон зүйлс анхаарлыг тань сатааруулах бол, шөнө таныг зөвхөн нэг л зүйлд анхаарах боломжийг гаргаж өгдөг. Мөн харанхуй нь багахан хэмжээний айдсыг дагуулдаг бөгөөд айдас нь хүний анхаарал төвлөрөлийг нэмэгдүүлж гарц, шийдлүүдийг хэлж өгдөг. Үүнийг та өөртөө давуу тал болгон ашиглаж сурах хэрэгтэй. Boogeyman

2. Дөрвөлжин дотроосоо гар

Хийж буй зүйлээ зөвхөн өөрийн чадвараараа хязгаарлах хэрэггүй. Өмнө нь огт ашиглаж байгаагүй арга техникүүдийг ажилдаа ашиглахад гэмгүй. Танд гэртээ түлхүүрээ мартсан үедээ цонхоороо орж байсан тохиолдол нилээдгүй байгаа байх. Энэ бол та зөвхөн түлхүүртэй байж гэртээ орноо гэсэн үг бишээ гэдгийг харуулж байгаа хэрэг. Ихэнхи тохиолдолд хийж дадсан арга барилаа өөрчлөн хийх нь эрсдэлтэй байдаг ч бүх зүйлсийг зөв тооцоолож чадвал энэ нь таныг хамаагүй илүү үр дүнд хүргэж чадна.  Та илүү их загас барьмаар байвал зөвхөн нуурын эрэг дээр очиж дэгээгээ шидэх бус завиа сэлүүрдээд нуурын голд очоод тороо шидээд үзэх хэрэгтэй.

3. Шаардлагатай үед найзуудаасаа зай барь

Харамсалтай нь энэ бол үнэн. Зарим тохиолдолд найзууд тань таны бүтээмжид сөргөөр нөлөөлөх тохиолдол байдаг. Учир нь тэдэнд таны анхаарлыг сарниулах хосгүй чадвар байгаа. Гэвч тэд өөрсдөө үүнийгээ төдийлөн мэддэггүй. Тиймээс шаардлагатай үед тэднийг өөрөөсөө бус, та өөрөө тэднээс түр хугацаагаар зай барьж сурах хэрэгтэй. Энэ танд өндөр бүтээмж өгөхөөс гадна хэн таны жинхэнэ найз вэ? гэдгийг шалгах шалгуур болох юм.

Эцэст нь эдгээр аргуудыг туршаад үзхийг зөвлөе. Байнга биш юмаа гэхэд хааяа нэг ашиглахад танд өндөр үр дүн авчирна гэдэгт итгэлтэй байна. АМЖИЛТ ХҮСЬЕ!!!!!!

Ангилалууд
Таагууд

+ Одоогоор сэтгэгдэл алга байна.

бичих

This site uses Akismet to reduce spam. Learn how your comment data is processed.