Амжилттай суралцах 10 стратеги

Амжилттай суралцах 10 стратеги


Та бидний ямарваа нэгэн ажлыг хийж гүйцэтгэхэд ашигладаг арга хэрэгсэл (багаж) маш хурдацтай өөрчлөгдөж байгаа болохоор, бид бүхэн суралцах тал дээрээ онцгой сайн байх хэрэгтэй болоод байна. Амжилттай суралцагчид чухам ямар арга техник ашигладаг бол? Хамгийн бүтээмж өндөртэй хэдэн аргатай танилцацгаая.

Суралцах гэдэг нь өөрөө нэг чадвар юм.

1. Асуудлын учрыг олохын тулд өөрөөсөө таван удаа яагаад гэж асуу.

Энэ аргыг 5 ЯАГААД ч гэж нэрлэх нь бий. Ямар нэгэн асуудлын гол үндэс, гарал үүслийн олж илрүүлдэг арга юм. Нэг жишээ авъя:

  • Үйлдвэрийн шинэ шугам цагтаа ашиглалтад ороогүй. Яагаад? Учир нь бүтээгдэхүүн гэмтэлтэй гарч байсан.
  • Яагаад гэмтэлтэй гарах болов? Учир нь шугамын зарим зүйлийг буруу суурилуулсан байв.
  • Яагаад буруу суурилуулав? Инженер яаж угсрахын сайн мэдэхгүй байв.
  • Яагаад сайн мэдэхгүй байв? Тэрээр шинэ шугам суурилуулах сургалтад суугаагүй.
  • Яагаад? Учир нь түүнд суух зав байгаагүй нь тэр. Дарга нь түүнд маш их ажил даалгасан байжээ. Түүнийгээ хийх гээд зав гараагүй байна.

2. Үргэлж эерэг хандлагатай бай.

Санаа зовох нь оюуны чадвартаа хийж байгаа муу хөрөнгө оруулалт. Санаа зовж байвал ямар нэгэн зүйл сурахад бэлэн бус байна л гэсэн үг. Түүний оронд тохиолдож болох эерэг үр дүнгийн талаар байнга бодож байвал, үр дүн нь эерэг л гарна.

3. Дан ганц сурах нь хангалтгүй бөгөөд туршиж үзэх хэрэгтэй.

Чи гольф тоглохыг ном уншаад хэзээ ч сурахгүй. Түүний оронд цохиураа аваад бөмбөгөө цохих хэрэгтэй.

4. Мэргэжилтнүүдийг олж уулз, тэгээд хүссэн бүхнээ асууж тодруул.

Ямар нэг зүйл судлах гэж байгаа бол түүнийг чинь тайлбарлаж өгчхөөр хэн нэгэнтэй очиж уулз. Нэгэн хүн шинэ спортоор хичээллэхээр төлөвлөж гэнэ. Тэгээд тэр шууд л тэр спортын нэгэн мөнгөн медальтан уруу утасдаж цаг болзов. Уулзсаныхаа дараа тэрээр түүнээс мэддэг бүхний нь залхтал байцаав. Энэ аргыг сайтар эзэмшсэн хүн бол Virgin группийг үндэслэгч тэрбумтан Ричард Бренсон юм.

5. Ижил зүйл сурах гэж буй хэн нэгнийг ол.

Яг чиний сурах гэж буй зүйлийг сурах гэж байгаа хэн нэгэнтэй танилц. Түүнтэй хамт цуг энэ бүхнийг хийж сур. Хамаагүй үр дүнтэй байх болно.

6. Ойлгоогүй бол асуу.

Хэрвээ чи хичээл, лекц, зөвлөгөөн дээр ямар нэг зүйлийг сайн ойлгоогүй бол зүгээр зоригтой гараа өргөөд “Уучлаарай, яагаад гэдгийн тайлбарлаач?” гээд асуух хэрэгтэй. Тэнэг хүмүүст энэ үйлдэл угийн тэнэг санагдана. Гэхдээ ухаалаг нэгэнд сониуч зан чинь таалагдах болно.

7. Давт давт бас дахин давт.

Сурсан зүйлээ дахин давтах нь гайхалтай үр дүнтэйн дээр үйлдлийг хурдтай болгоно. Тэр зүйлээ байнга д давтаад байх юм бол сүүлдээ бүүр агшин зуурын хооронд л хийдэг болчихсон байна.

8. Зөвхөн бичиж авах биш зурах хэрэгтэй.

Заримдаа үгээр ч илэрхийлэхийн аргагүй тийм нэг үе байдаг шүү дээ. Ер нь бол үг зураг хоёр чинь сайхан иж бүрдэл. Заримдаа асуудлыг шийдэх, шинэ санааг илэрхийлэх хамгийн сайн арга зам бол үг дүрс хоёрын хослолыг оруулж өгөх байдаг.


9. Төлөвлөгөөний эхэнд үргэлж хэцүү үүрэг даалгаврыг байрлуул.

Бидний сэтгэлийн тэнхээ хязгаарлагдмал. Хэрвээ чи өөр хэл, өөр төхөөрөмж аль эсвэл ямар нэг хэцүү зүйл сурах гэж байгаа бол үүнийгээ эхэн  үедээ буюу хүчтэй байхдаа хийсэн нь дээр. Хүндээсээ эхлэхгүй бол сүүлд нь хүчгүй болоод сэтгэл санааны хувьд доройтно.

10. 80/20-н зарчим

80%-н үнэ цэнэ 20%-н ажлаас гарна. Бизнест бол 20%-н эрчимтэй идэвхтэй үйлдвэрлэлээс чиний хүлээсэн үр дүнгийн 80%-н гарах болно. Яг л энэ зарчим логикийн дагуу амжилттай суралцагсад маань суралцдаг байна.

Танд амжилт хүсье!!!

17 Сэтгэгдлүүд

бичих
  1. 1
    Ганаа

    Та бүхэн зөвхөн гадаад ном зарна гэж туйлшрах нь жаахан тиймэрхүү байна. Бизнес, хувь хүний хөгжлийн олон сайхан Монгол зохиогчдын ном байгаа. Түүнийг бас олон нийтэд хүргээч.

  2. 2
    Ундрал

    мэдээлэл авсан эх сурвалжаа дурдах шаардлагатай шүү. ер нь бол өөрөө зохиож бичсэн мэдээлэлд л эх сурвалж заалгүй доор нь зохиогчийн нэр байдаг юм. эс тэгвээс хууль бус хэмээн үзэж хэзээ ч хаалгаж болно гэдгийг анхаараарай

  3. 3
    Azjargal

    heregtei medeelel bna. Er n hun yamar negen ajil hiiheesee umnu yaj hiih be gesen aidastai bodol dabtagdah uymaa tuuniig herxen daban tyylah be zubulguu uguuch

    • 4
      Mr.Green

      Хамгийн сайн арга бол тууштай хийсээр л байх. Хийх тусам чинь айдас чинь алга болоол байна. Айдас угаасаа байдаг тиймээс их битгий хий, бага битгий хий байнга хий. 🙂

  4. 5
    С. Түмэнжаргал

    Оон сайхан сайхан зөвлөгөө байнга өгч байгаад баярлалаа. Танд амжилт хүсье

  5. 6
    Р. Оюунтунгалаг

    Сайхан зөвлөгөө байна. Надад энэ талын мэдээлэл маш хэрэгтэй байсан юм. Баярлалаа

  6. 11
    solongo

    Bayarlalaa mash saihan shine sorgog medeeleler tseneglej ugch bgad. Une tsenetei medeelluud bn mash ih taalagdlaa. Amjilt husie

  7. 12
    Go.Tsedo

    Баярлалаа. Үүнийг улам олон хэрэглэгч уншиж, мартсан нь сэргээж, мэдээгүй нь сурч, ажил амьдралдаа хэрэгжүүлээсэй. Та бүхэнд амжилт хүсье*

  8. 15
    alica

    Баярлалаа сайхан мэдээлэл байна. та бүхэд ажлын амжилт

  9. 16
    Batdelger

    Heregtei medeelel oruulsand bayarlalaa.Gehdee ug usgiin aldaa, nairuulgiin aldaagaa dahin neg hyanaj uzeh heregtei baih.

    • 17
      Mr.Green

      Баярлалаа алдаа дутагдлыг маань хэлж байгаад. Бид дараа дараачийн мэдээлэлдээ энэ тал дээр үргэлж анхаарах болноо.

+ Сэтгэгдэл үлдээх